മരണവും ജീവിതവും തിരിച്ചറിവുകളും

ഓരോ മരണവും വേദനയാകുന്നു

കണ്ണീരു ചാലിട്ട മുഖമുയര്‍ത്തുമ്പോള്‍

മൌനമായുള്ളിലതാഴ്ന്നു കേറുന്നു 

ഓരോ പ്രജ്ഞയും മുന്നില്‍ തെളിയുന്നു 

വിശ്വസത്യങ്ങള്‍ കനലായെരിയുമ്പോള്‍

ഹൃദയത്തിനുള്ളിലതാര്‍ത്തലയ്ക്കുന്നു

ഓരോ ചുവടിലും സ്വയം തിരിച്ചറിയുന്നു 

യാത്ര പറയാതെ പിരിഞ്ഞകലുമ്പോള്‍ 

ഒരാള്‍ പിന്തുടരുകയാണെന്ന സത്യം  

ഓരോ നിമിഷവും കാര്‍ന്നെടുക്കുന്നോരീ 

മരണത്തിനുണ്ടോ വല്ല പിണക്കവും 

ആരാകിലെന്ത് കഥയെന്താകിലെന്ത് 

അനുവാദമില്ലാതെ കൂടെ നടക്കുന്നു 

യാത്ര പറയാതെ പിരിഞ്ഞകലുന്നു 

ഇരുളില്‍  പുതിയ  വെളിച്ചം കാട്ടുന്നു